овощу доброго чинити. Каждое прото дерево которое нечинить овощу доброго, посекають его и въ огонь вметають. А так прото з овощовъ их познаете их.
Не каждый мовечий мне, пане пане, въвойде в королевство небесное, але чинячий волю Отца моего, которий есть на небесех. Многіе рекуть мне въ оный день: пане пане, не въ твое ль имя пророковалисмо и твоимъ именем бесы выганялисмо, и твоимъ именемъ моцы многіе чінілісмо. И тогды отповем имъ, иж николи не зналомъ вас, отыйдите от мене делаючие безаконие. Каждый прото которий слышит слова мои тые, и чинит их, приподоблю его мужу мудрому, которій збудовалъ хоромину свою накамени. И спалъ дожчь, и пришли реки, и възвеели ветри, и напали на хоромину тую, и нѣ упала укгрунтована бо была на камени. А каждый слышачій слова мои тые, и нечинячи их, приподобися мужу дурному, которий збудовалъ хоромину свою на песку. И спалъ дожчь и пришли реки, и възвеяли ветри, и оперлися в хоромину тую, и упала, і было розрушенье ее велико. И сталосе гды скончилъ Исусъ слова тые, дивилися тижбы о науце его. Былъ бо учячи их якъ владность маючи, а неякъ учоные [и фарисеи].
Глава И.
Сшедши пакъ ему згоры, въслед его шли тижбы многие. И ото трудоватый прішедши, кланялъсе ему мовечи: пане, если хочешь, можешме очистити. И розпростеръші
