Гэта старонка не была вычытаная
Падыходжу блізка,
Цягне, як магніт.
Пан бубніць вусаты,
Тоўсты барабан.
Помні наша свята!
Помні, люты пан!
А людзей бясконца,
Многа, ажно страх!
І глядзяць на сонца —
На чырвоны сцяг.
Пан дурны ў трывозе,
Звер-паліцыянт
Гоніць па дарозе
Ўсіх людзей да хат.
Ах, гадзюка злая,
На агні згары!
Пан у сцяг страляе
Раз і два і тры.
Ён раве мядзведзем:
«Я сто злотых дам!
Хто наверх палезе?» —
Смех вакол і гам.
