Гэта старонка не была вычытаная
XIII
Грэла поле ўлета
Цёплымі грудзьмі.
Часта вёў сакрэты
Гаспадар з людзьмі.
Пад трыма дубамі,
Дзе багна і гаць,
Шэпт вядзе з дзядзькамі,
Вочы ў іх гараць.
Зараніц карункі
Паляцца ўгарэ.
Нейкія пакункі
Гаспадар бярэ.
У дупло кідае
(Дуб адзін з дуплом).
Шчыльна затыкае
Ён дупло імхом.
Крадзеныя рэчы,
Пэўна, там ляжаць.
Торбачку на плечы
І шугаць, шугаць!