|
Ў шэрані мяккай дзярэўцы
Гойдаюць ціха галінкі,
Ў сонечным промені мкнуцца
Лётам павольным сьняжынкі
Зайца сьляды, як сь цяжынкі,
Сплётам заблытаным ўюцца…
Поле ў бялюткай сукенцы
Мёртвую ціш пераймае…
Сонца ўсё ніжай ступае —
Цені лахматыя доўжыць,
Промень чырвоную ложыць
Стужкамі доўгімі к сьнегу…
Вецер, схаваўшы адлегу,
Туліцца к кусту, у нетры…
Зырка-блішчастым галёнам
Рэзьвяцца кропкі-сьняжынкі,
Сонцу сьмяюцца, а ветру
Шлюць свае шэпты, уклоны.
Змоўклі крыкухі-вароны,
Заяц залез у гушчэчу,
Дрэўцы стаяць не трапечуць
Ўбраных сьвятошне галінак:
Шкода махнатых сьняжынак —
Гэтага стройнага ўбраньня…
Хто яго нанаў апране?
|
