Гэта старонка была вычытаная
11
Прывучаць мяне сталі да працы,
за шавецкі ўсадзілі варстат.
Стаў я корчыцца, клеіць абсацы,
шнураваць памаленечку стаў.
Незадоўга паслалі вучыцца,
купіў з пераплётам „букварь“ —
стала „молнией“ мне бліскавіца
і „хозяинам“ стаў гаспадар…
Весялей і на сэрцы ў матулі, —
як-ні-як, небайдосуе больш.
Харашэй прыадзелі, абулі,
і ў кішэні зароблены грош.
Меў яшчэ і другі заработак,
быў прыслужнік царквы, панамар…
З папіросай, у лакавых ботах
па нядзелям хадзіў на бульвар