го въ томъ мѣстѣ Виленскомъ и въ ныхъ всѣхъ трудности въ томъ не задавали, и въ обхоженью святъ, ведле закону ихъ (а звлаща: Нароженіа Панского, Крещеніа, Обрѣзаніа, и Змертвыхвстаніа, Внебовступеня Панского, Зосланья Духа Святого, Святой Троици. святой Панны Маріи и всѣхъ иныхъ святъ апостолскыхъ), ведле давного звычаю и закону ихъ ни чимъ перешкоды не чинили; и въ тыи свята помененыи людій закону Греческого до суду войтовского, бурмистровского, радецкого, и лавничого, гайного, выложоного и потребного, на ратушъ абы не были позываны и здаваны, и присяги въ тыи дни святыи абы имъ складаны не были. Однакъ же свята звыклыи костела католицкого Рымского закону ведлугъ нового календаря въ учтивости захованы быти маютъ, ведлугъ звыклого обычаю. А въ тыхъ всѣхъ речахъ згоды а милости жебысте пилне постерегали, а надъ звычай давный — одна сторона другой утяженья жадного абысте не чинили, подъ ласкою нашею королевскою, постерегаючи тогo, абы во всемъ покой въ томъ мѣстѣ нашомъ захованъ былъ. Данъ, яко вышей. Стефанъ, кр. Григорій Война, писарь».
Листъ четвертый короля Стефана (ачъ не власне въ [с]правѣ релѣи Греческой даный, однакъ ку потверженью волности набоженства, въ конфедераціи варованой (и) явне служачій), дата съ-подъ Пскова, 26 сентевріа, року 1581.
«Стефанъ, зъ ласки Божей кр. Полс[к]ій, и прочая.
«Секретарови нашему, Державцы Стоклискому, войтови Виленскому, док-
