Старонка:Пунсовае раньне (1926).pdf/51

ЛІПНЁВАЕ

У цемнату акунуўся вечар,
Ноч вясёлую зорамі ўкрыў,
А на вёсцы хвалюецца веча,
Толькі чуеш у клюбе скрып.

Ноч вясёлую зоры укрылі,
Нешта шэпчуць між сабой;
І праменьне — агнёвыя грывы —
Засыпае зямлю сяўбой.

Зоры шэпчуць між сабою,
Іх глынае далёкая сінь,
А у клюбе хлапцы сяўбою
Рассыпаюць сьпевы машын.

Ім тут весела, весёла сёньня,
Сёньня Ліпень — вялікі парад;
Ўспамінаюць, як нашы сёлы
Непакоіў лямант гармат.