Гэта старонка была вычытаная
Ты чуеш, як вецер
На струнах антэн…
(Глухое гучаньне такое…)
У ім тысячай тэм
Разьвінаецца тэмбр
Кожнага
Семірадкоўя!
Гудуць правады,
Гудуць правады,
Сурова гамоняць турбіны:
— Мы са сьцюдзёнай
Дняпроўскай вады
Сонца дамо краіне!
Мы ўсе свае сілы
Зьліем у адну
Магутнасьць заводаў і фабрык.
Мы грукатам працы
Сустрэнем вясну,
Здабытую ў бойках
Ударных!
Гудуць правады,
Гудуць правады,
Распалены хмурыя домны:
— Мы выплавім тысячы тон
Руды,
Патрэбных на
Перабудову!
