Гэта старонка была вычытаная
скамейкі (прышлі адны толькі „навічкі“ — тыя, што вучацца з першае літары).
Пасадзіўшы, вучыцель сказаў, як называецца той дом, куды яны прышлі, расказаў пра кожную рэч, што была ў школе, як павінны знахадзіцца вучанікі ў школе, для чаго трэба вучыцца, якая карысьць ад навукі.
Потым ён пусьціў хлопцаў пагуляць.
Пабегаўшы па дварэ, вучні зноў прышлі ў школу.
Яна ўжо ня страшыла іх сваёю навіною. Хлопцы сьмела садзіліся на свае месцы і слухалі пільна, што казаў вучыцель.
Міхась і не замеціў, як прайшоў першы дзень навукі.
Весела пабег ён дадому расказаць, што бачыў і чуў ён у школе.
