Царигородского, который] найдешь въ книгахъ вторыхъ [соборовъ головныхъ, листь] семьсотъ сорокъ шостый. Тамъ обачышь на [кар]те 749: сели се перъшые Грекове въ отъ правенью набоженъ ства езыкомъ Латинъскимъ и церымониями костела Рымъского брыдили? А тутъ маешъ перъшую штуку Ѳилялетову: правъду ли пишеть, и если есть тымъ, чымъ ся быти мену (26)еть?
Въ тойже перъшой части (на карте пятой, на другой страницы) прыслухайсе, брате милый, скромности его, которую ся въ предъмово своей прехваляетъ! Ижъ называетъ людей учтивыхъ выкрутачъми, бо такъ (тамъ) мовить: «лечь ижь есть зъ выкрутачъми речъ». А то розумееть о всихъ Рымское релии людяхъ. Але дастьсе то видеть нижей: хто есть выкрутачомъ - чы католикове, чыли [ѳилялет] герети[къ]?
[Въ той же части, на карътѣ] шестой, прыпоминаетъ [присегу, при пос]вецаню патрыар[ху К]остен[тинополскому отданую], и прычыны, для кото[рыхъ] декреть противъ митрополита и владыковъ есть выданый: што все въ книжкахъ неякихъ, «Ектезысъ» названыхъ, поведаеть быти вписано.
На то все такий ему отказъ чыню. Правда, ижъ «Ектвзысъ» отъ противное стороны есть выдана, и декрета якнесь написаны. Але не то есть кгрунтъ - писати на кого декрета по своей воли. Але то(го смотрети): чы мелп тую владзу тые панове судьи (его) - митрополита и владыковъ судити
