Не мешкаючы ихъ милость панове послове, зъ его милостью паномъ воеводою Киевъскимъ, (яко съ тымъ, который зъ великою громадою людей на тотъ сынодъ прыбылъ,) мовили, жалуючысе на то, ижъ надъ обетъницу свою, надъ росказанье короля его милости и надъ прозбу свою, которую мало передъ тымъ, шлючи до Вар шавы до короля его милости пана Малинского, чинить съ такою громадою людей военныхъ и въ вере розрозненыхъ, которые до того собору не належать, и жадного местьца на томъ соборе имъ не дано, кгдыжъ тотъ соборъ толко для людей Рымское и Греческое веры зложонъ. Наконецъ прывелъ его милость люди зъ собою выволаные и посторонные, всей речи посполитой подойзреные, зъ обчихъ неприятелскихъ паньств. Справуючысе его милость панъ воевода Киевский и до покою и до згодного трактованья обетницу учинилъ, просечы, абы се на конъдыцыи спокойного собору намовили.
Съ тымъ одъшедши, ихъ милость панове послове до ихъ милости отцовъ архиепископовъ и епископовъ Рымъскихъ и Греческихъ о порядку, якимъ способомъ спокойне зъ безпеченствомъ всихъ тотъ соборъ отправоватисе мелъ, зъ ними розмовляли. Полъгодины не вышло, кгды имъ дано знать, ижъ (въ господе пана воеводы Киевского люди тые, которые зъ его милостью приехали,) коло якоесь учинивши и маршалъкомъ (собе пана Демяна Гулевича новохрщеньца обравшы,) послы одъ себѣ до митрополита выправили, и въ дому отца владыки Володимерского (тое посельство зъ одповедми и погрозками) справовали. Шли заразъ ихъ
