Гэта старонка не была вычытаная
образовалы або значилы пришлые речи, а до того часу мелы быти, докуле бы вже не стень, але самая правда пришла, которую теломъ зоветь. А прото не мають хрiстiане у тотъ обычай никаких празников мети, але вси дни за празники мають личити, яко Iсаiа пророчествовалъ, где рече: "И будеть новомесець от новомесяца и субота от субботы" (Iсаiа 66), ачь тое по вскрешенiи достаточней ся збудеть.
Обачивъши тую причину, обачи и иншие причины, для которихъ празники Богъ поставилъ. То естъ, абы былъ опричный день, которого бы ся людие ко слуханью Слова Божiего съхажали, а семья бы неволная и скотъ отпочивали. Водле тыхъ причинъ мусить бытии певный день у хрiстiан.
