Гэта старонка не была вычытаная
тако иже одинъ ангелъ от оного войска убилъ сто тисечей и осмъдесятъ тисечей и пять тисечей мужей (4 Цар. 18,19). О Керинфе Еретице пишють, яко, заставши его Iоаннъ Богослов у отмывальни, а ведаючи, яко Сына Божiего хульникъ естъ, не хотелъ ся тамо мыти, но ко своимъ рече: "Бежемо вонъ, да не згинемо съ Керинфомъ, истине врагомъ" (Евсев, в треіихъ книгах глав. 28). И пишють, яко за того жь, егда вышолъ Iоаннъ, упала омывальня и убила Керинфа. Не лепшое мелъ доконанье потомъ Арiй, тежь Еретикъ, который противу Божеству Хрiстову блюзнилъ, того для доконанье Iудино принялъ.
ПЫТАНЬЕ
Што Богъ обецалъ тымъ, которие бы имени Его з верою а потребне призывали?
