Гэта старонка не была вычытаная
ПЫТАНЬЕ
Яко Богъ караеть тых, они же бы тую заповедь проступали?
ОТКАЗЪ
Яко первое заповеди, тако и тоее проступцы карани бывають и вечными и телесными муками. Скаралъ Богъ сыны Ізраилевы, егда собе были учинили образъ яко теля, такъ иже ихъ убито одного дня три тисечи (Выхад 32, 1 Кар. 10).
Скаралъ теже Соломона, иже от сына его отступило десять коленъ сыновъ Ізраилевыхъ (4 Карал. 12).
А опустивши старие казни, новую памятуимы, яко Богъ тяжко скаралъ цара Констанътина, сына Лвова, и матку его Ирину, на которих розказанье наставляно
