Гэта старонка не была вычытаная
тое деаніе широко выписуючи, не въспоминаеть ни которых образовъ, только листъ припоминаеть, который Хрiстос къ Агварю писалъ. А к тому, яко святый Апостолъ Фома посылалъ Фаддеа къ Агварю, который дей его возложеніемъ рукъ и молитвою злечилъ. О томъ знайдешь у него въ первой книзе церковного деаніа главу 14.
ПЫТАНЬЕ
Ешче некоторыи говорять, яко Лука Евангелистъ былъ иконописецъ, ижебы иконы пречистой богородицы писалъ.
ОТКАЗЪ
Тое на святого Луку безвинне зложили иконопоклонницы, абы такъ свой блудъ укрепили. Лечь напротиву имъ о Луце Апостолъ стоить, поведаючи, ижь врачь былъ,
