Гэта старонка не была вычытаная
Милосерьдие чинить Богъ над нами, коли намъ грехи отпушчаеть, а изъ грешныхъ праведъными чинить, абы есмо достойны вечного живота были. А тые речи соуть вечные заплаты. Лечь над то и на симъ свете таковых Богъ не опушчаеть, которыи Его приказанья стерегуть, Ему Самому служать, яко, наприкладъ, Даніилъ, Іереміа и инъшихъ много.
ПЫТАНЬЕ
Говори вторую заповедь.
ОТКАЗЪ
Вторая заповедь естъ: "Не учинишь собе образа ани всякого уподобия, которое естъ на небеси высоко, и которое на земли низъко, и которое в водахъ подъ землею".
ПЫТАНЬЕ
