Гэта старонка не была вычытаная
ди Свои. Бо чотыри заповеди далъ на первой дошчце каменной. А шесть -- на дроугой дошчце.
ПЫТАНЬЕ
Для чого такъ розделилъ Богъ заповеди Свои?
ОТКАЗЪ
Того для, абы есьмо по тому знали, што есьмо Богу, а што ближному повинни. Бо насъ первая дошчъка тому навчаеть, яко ся къ Богу заховати маемъ. Другая пакъ указуеть, яко ближного любити потреба.
ПЫТАНЬЕ
Говори первоую заповедь.
ОТКАЗЪ
"Не будешь мети боговъ чужихъ предо Мною."
