Гэта старонка не была вычытаная
"Кленыйся искрнему своему и не отметая ся. Творяй сия, не подвижется въ веки".
Лепшие заплаты быти не могуть, яко которіе зде Духъ Святый обецуеть. Напервей бо обецуеть Царствіе Небесное, а потом добрую совесть. А на ином месте Духъ Святый тако рече: "Кто ест человекъ, хотяй живота, любяй дние видети благы. Удержи языкъ твой от зла, и устне свои, еже не глаголати льсти" (Псалом 33). Зде опять обецуетъ и животъ долгы, и достатокъ къ выхованью оному, кто бы языку своему воли не дал.
ПЫТАНЬЕ
Говори десятое слово Божіих заповедей.
ОТКАЗЪ
Десятое слово естъ: "Не похочеши жоны ближнего своего, и ни дому его, и ни поля,
