Гэта старонка не была вычытаная
Давыдовымъ, учинила (2 Цар.17). Затаивши бо их у колодези, сказала слугам Авесоломовым, ижь пошли, напившися мало воды. И иных много есть таковых взоровъ у Святомъ Писанию. Прото надобе разность знати межи лжою а потребнымъ утаеньемъ. Ложь не только естъ утаенье правды, але к тому причиненье неправды къ шкоде или кривде невинного человека. Опять, утаити чого для пожитку невинного не естъ ложь ани грех, але естъ милосердие. Авраамъ не для того Саррю сестрою звалъ межи чужих людей, абы имъ што злого мыслилъ, але абы только самъ безпеченъ от нихъ был. Прото ани лгать у тои мере, ани грешилъ. Да вед же паметуй, яко всякаа ложь грех естъ, если бы не за великою потребою была,
