Гэта старонка не была вычытаная
Естли всякая ложь - грехъ, ино Авраамъ съгрешилъ коли, пришедши въ Египет, не сказалъ, абы Сарра жона его была, але ее сестрою своею звалъ (Быт. 12, 20, 26)? Тое жь учинилъ, коли гостилъ въ земли Герарской. Потому жь учинилъ и Ісаакъ в той же земли Герарской.
ОТКАЗЪ
Иншая речь естъ ложь, а иншаа - потребное утаенье. Ложь бо естъ, коли кто правъду отменяеть в неправду, хотячи тако ближному зло учинити, або ему ушкодити. Кто бы тако чинилъ, винен бы сему девятому слову. Лечь святіи мусели под час некоих делъ таити, абы тым обычаем горшимъ речамъ вины не дали. Яко на взор маешь бабы Еврейские (Исход 1), которие пред Царом Египетским на жоны Еврейские сложили, яко бы оные
