Гэта старонка не была вычытаная
Розные суть грехи противу тому Слову, яко вышшей речено, для того теже и каранья суть або бывають розные.
Напервей лакомых людей караеть Богъ зде, на земли, недостатком и нишчетою. Тако бо Соломон пишеть: "Мужь, хотяшчий скоро обогатитися и инымъ завидить, не знаеть, яко на него прійдеть нишчета" (Притчи 28). А мало пред тымъ рече: "Кто поспешаеть убогатитися, не будеть безъ вины". Ешче той же рече: "Кто зобижаеть нишчаго приспорити собе имения, отдасть потом богатъшему, а самъ обнишчаеть" (Притч 22).
Явные суть сие сведества, яко Богъ караеть на сим свете, они же на сее осмое слово не паметують, але далеко горшей на ономъ свете обецалъ таковыхъ карати.
