Гэта старонка не была вычытаная
Духъ Святый наоуку достаточъную о том даеть сими словы: "Да исходять ручаи твои вонъ, и на улицахъ воды твое дели, но источникъ воды твоея да будеть тобе самому" (При 5:15-16). Велить зде ручаи от источника вонъ пушчати, се естъ, маетностей своих убогым уделяти, але источникъ велить самому мети. Розумей, яко надобе при собе маетность ховати. Бо естли бы кто заразъ все именье покинулъ или кому отдалъ, не будеть напотомъ мети, откуле бы милостину дати, и самъ мусить у иных хлеба просити.
Прото годиться хрістіанину свою маетность мети, нижели потреба, абы ся справедливе достала, а к тому абы таковый милостину давалъ. Яко Хрістос рече: "Сушчаа дадите миластиня, и се все чи-
