Гэта старонка не была вычытаная
Потомъ отдати кажному, што его естъ. А третее доброе дело естъ чинити милостину. К тому от грошей ничого не брати.
ПЫТАНЬЕ
Кому маеть быти давана милостина?
ОТКАЗЪ
Въ обычай собе зде в наших краинахъ люди леные взяли: кто робити не хочеть, у калеки идеть, хотя жь будеть здоровъ, и молод, и тако з милостины живеть. Но не добрь естъ таковъ обычай, и мели бы преложоные таковых людей оуняти, абы имъ не было волно калековати, або, правду рекъши, зводити и под покровом убожества красти.
И ест того великие причины, для которих маеть имъ урядъ того боронити. Напервей, ижь Богъ всемъ здоровымъ людемъ робити