Гэта старонка не была вычытаная
жіе проповедалъ. Лечь я ведаю, такового у сих сторонах ни одного не знайдешь. Многых найти можешь, што ся на Епископие, на Митрополие, на Архимандрие накупуютъ, але который бы Словомъ Божіемъ стадо Хрістово паствилъ, укажи ми одного. А как же ихъ назвати? Ведаю, яко ся вамъ гневати, але васъ предся Самъ Хрістос розбойниками и татьми, се естъ, злодеями, зоветь. Бо так рече: "Не входяй дверми въ двор овчій, но прелазяй инуде, тъй тать естъ и разбойникъ, а въходяй дверъми, пастырь естъ овцамъ" (Іоан 10:1-2).
Оже маешъ, яко таковых Хрістос зоветь, которіи не про двери до овецъ входять, але инуды, то естъ черезъ посулы приходять на Епископие або на иншые пастырства. Прото напер-
