Гэта старонка не была вычытаная
еть, где рече: "Слышасте, яко речено бысть древніимъ: "Не убиеши, иже бо ашче оубиеть, повинен ест суду". Азъ же глаголю вам, яко всяк, гневаяйся на брата своего всуе, повинен естъ суду, а иже ашче речеть брату своему: "Рака", повинен естъ сънмишчу, а иже речеть: "Юроде", повинен естъ геенне огненей" (Мат 6:21-22).
От сих словъ Самого Господа латве вырозумети, иже убійство естъ, не только рукою або оружіем кого убити или только бити, але теже слово прикрое або сромотное на кого выговорити, або ся гневати, або кому завидети естъ убійство, которого у симъ слове Богъ заказуеть.
Бо если бы только рукою бити або шкодити ближному заповедалъ, ино бы только рукам далъ Богъ тую заповедь на тотъ
