Гэта старонка не была вычытаная
посулъ злочинчовъ не карають, обешчники татем зоветь. Читай теже о пастырех у того жь Iсаіи главу 56, у Iереміи - главу 24, у Захаріи - главу 11. И на иных местех.
Детем теже и подданымъ непослушным назначилъ Богъ каранье у том же слове, где рече: "Естли хочешь долго жити на земли". Яко и сами на око видимъ, ижь сынъ непослушный або который бы отца не чтилъ не можеть долго быти на свете. Велелъ Богъ таковых убивати (Исход 21). А хотя жь урядъ не караеть, предся Богъ мститься над таковым, ижь его або кто забиеть, або повесять, яко Соломонъ въ Притчах написалъ: "Око ругаешчиеся отцу своему, иже гордит плодом матеры своея, выклюють е вранове от дебріа и снедять е птен-
