Гэта старонка не была вычытаная
чинити. Тежь грехы ихъ закривати. Яко учинили сынове Ноего Симъ и Iафетъ, коли ся ихъ отецъ, спивши виномъ, обнажил, они, закривши собе очи и отворотивши лица своя, покрили срамоту его. Тако повинны сынове чинити отцом своим, а подданые - господаромъ, ученицы - учителемъ, овцы - пастыромъ.
Лечь теперь подданые в обычаю того не мають, хотя жь легкие грехи господаровъ своих видять, гудять и розширають, а часом, хотя жь чого не чинять, на них складають и на лихоимание их нарекають. А того не обачають, иже тое сами у Бога заслугують, абы имъ таковые господари давалъ. Iовъ бо пишеть, яко Богъ царствовати допушчаеть человека лицемера, грехъ людьских
