Гэта старонка не была вычытаная
даеть, иншій на непотребное будованье, иншый - на шаты збыточные, иншый - на пианьство, або на строе, або на похлебцы, або на игрю, а иншихъ речей не годитъся и говорити. А тое все от поту, або, радней, от крови убогых людей мусить господарь або силою, або хитростию вылупити.
Ест теже и тіи, которие на непотребные речи не терають, але мехи кое скрини напыхають, да вед же не лепшей за первых чинять. О сихъ Апостолъ тако пишеть: "Нубо ныне, богатіи, плачетеся рыдаюшчей о страстех ваших грядушчих, богатество ваше изгни, и ризы ваша молие поедоша. Злато ваше и сребро изоржаве, и ржа их во сведетелство противу вамъ будеть, и снесть плоти ваша, яко огонь" и прочая (Іак. 5:1-3). Плакатися ве-
