Гэта старонка не была вычытаная
оучаться хрістіане наукъ потребныхъ, яко Писанію, богословію, потомъ иншие судьбам, лекарству и иным почтивымъ наоукамъ, теже и воинства, дабы церкви напотом услужити могли и оумели".
Видиши бо, яко Апостолъ повелеваеть: "Да не будуть, дей, бесплодны", -- по нашему: "Нехай не будуть непожиточные, але пожиточные". Паметуй же, яко не велить в печери лести, межи зверь в пустыню утекати, яко мнихи чинять и инымъ оуказують. А на што бо сее? Але хочеть Апостолъ, абы есмо для спасеніа ближных наших, межи нихъ живучи, всякие труды поднимали, часом и трудности терпели, верою, исповеданіемъ и послушеством светили, яко и Хрістос рече: "Тако да просветится светъ вашь
