Гэта старонка не была вычытаная
му ешче маемъ на взоръ людей святыхъ, которие на урядехъ были, яко Моисея, Іосифа, Мелхиседека, Ісуса Навина сына, Самоила, Давыда и прочих. А в Новомъ Завете Корниліа сотника, Іосифа от Арімафіа съветника, Сергіа Павла, Пафеньского Анфіпата або намесника и прочихъ.
Прото годиться хрістіянину урядъ держати, судити, добрихъ боронити, злыхъ карати не только на маетности, але и на горле, только бы справедливе. А не только за тое греха врядъникъ не маеть, але теже вдячную речь Богу тымъ обычаемъ чинить. А где бы того не чинилъ, то ест злыхъ не каралъ, а добримъ мирю або покоя не чинилъ, таковый урадникъ грешить, яко который повинности своей не чинить досыть.
