Гэта старонка не была вычытаная
царства земныя далъ ми Господь Богъ небесній" (2 Парал. 36; Ездр. 1).
Вже явно кажному от Старого Завета, яко Богъ Самъ даеть Цари, князи и иные господари. У Новом опять Завете тое ж ся знаходить, яко где Хрістос къ Пилату тако рече: "Не имелъ бы власти ни единоя, ашче не быти дано свыше". Явне указуеть, яко всякаа власть свыше ест, то ест от Бога. О чомъ Апостолъ къ Римляномъ доводней пишеть тако: "Несть владычество, ашче не от Бога, сушча же владычества от Бога оучинена суть". Тем же противляяйся власти, Божію повеленію противляеться". (Рим. 13:1-2). Видишь ли, яко Апостолъ владычество или урядъ от Бога быти пишеть? Прото явна речь ест, иже Богъ Самъ урадники постановилъ. А естъли Богъ постановилъ или, по Апостолу говоря-
