Гэта старонка не была вычытаная
ко пишеть: "Воздади тежь всемъ долгы. Ему же уброкъ, уброкъ, ему же дань, дань, ему же страх, страх, ему же честь, честь". А Петрь ешче ясней того пишеть, абы подъданые або слугы повиновалися владыкамъ або господаромъ своимъ не токмо благым и кроткым, но и строптивымъ.
Прото повиненъ хрістіанинъ господаря своего слухати, ему служити и што розкажеть, маеть чинити. Нижли естли бы што напротиву Бога Царь, Князь або который иншый господарь повелелъ, а хотя ж бы и пастыр, тогды вже не маеть хрістианинь послушень быти, але обычаемъ Апостолъ святыхъ маеть отказати: "Послушати подобаеть Богови более, нежели человекомъ". В той мере вже и родного отца послушни
