Гэта старонка не была вычытаная
ПЫТАНЬЕ
Што будеть онымъ, которыи тую заповедь полнять?
ОТКАЗЪ
Яко проступници и на душы и на теле карани бывають, по тому же и которіе того слова стерегуть, и вечные дарованіа пріимуть, и зде, на земли, ласкавого къ собе Бога познають. О вечныхъ рече Самъ Господь: "Блажени слышашчеи Слово Божіе и храняшче е" (Лук. 11:28).
О земныхъ пакъ Iсаіа тако пишеть: "Ачше отвратиши ногу твою от субот и не сътвориши воля своя в день святый, и прозовеши суботы млады святы Богови своему, да не въздвинеши ногы своея налево, ни да възглаголеши словесы на гневъ из оустъ своих, и будеши уповая къ Господеви, възведеть тя
