Гэта старонка не была вычытаная
и Павелъ Апостолъ к Корiнфом пишючи, припоминаеть неделю, яко того дня маеть быти сложенiе милостины. Тако бо пишеть: "А сложенiе еже къ святым, яко же расчыних церквам Галатейскым, тако и вы творите. По единой от суботъ кожды васъ о собе да полагаеть, съхраняа (1Кор. 16:1-2)".
Съ обеюхъ тых местъ вырозумети можемъ, ижь Апостоли неделю обрали, абы у тотъ день святые справы чинили хрiстiане. То естъ абы ся но одно место згромадивши, Бога призывали, Слово Его слухали, тайне пріймовали, милостину здавали и ишие побожьные дела Богу ко чти чинили.
ПЫТАНЬЕ
Вижу, яко Лука сведчить, иже съшлися были оученицы въ едину от суботъ прело-
