Гэта старонка не была вычытаная
естъ Апостоловъ было, обрати собе которы колвекъ бы день хотели на святые справы, хотя ж бы понеделокъ або второкъ, або иный который от седми дней, поневажь вси дни ровные суть, а не ест одинъ за другого лепшейшый, яко Апостолъ, к Римляномъ пишючи, знаменуеть.
Да вед же не безъ причины первый день, то естъ неделю на тое избрали. Яко бо под Законом сувоту для того святили, ижь того дня Богъ отпочинулъ, створивши вси речи, по тому жь под Еванъгелиемъ годится оного дня добродейства Божiе припоминати, которого Сынъ Божiй, знову створивши светъ, то естъ человека избавивши, к новому животу въскреснути рачилъ. Бо оное первое створенье, для которого былъ Богъ суботу
