Старонка:Збор твораў (Бядуля, 1937). Том I.pdf/323

ГОСЦЬ

I

Туман коціцца ў даліне,
Змоўкла птушка на галіне,
Гарыць шапка на сасонцы,
То за лес заходзіць сонца.
На паляне млеюць цені,
Там расінак мігценне —
Тут-жа блізка каля рэчкі
Бягуць сытыя авечкі.
За авечкамі ў дагонку
Хлопчык смаліць пугай тонкай,
Такі спрытны пастушок,
Раз, два „ф‘ю-ф‘ю“ у свісток.

А за ім пад касагорам
Ідзе-крочыць крокам скорым
Падарожнік адзінокі,
Такі статны і высокі.
На спіне яго хатулка,
То падскочыць, стукне гулка
Цвёрдым ботам аб каменне,
То зірне на загуменне;
То задумным вокам кіне
На старую на хаціну,