Ёган.
А хто атруту даў?
Арына.
Высока, не дастанеш.
Ёган.
Дык сведак у цябе няма?
Арына.
Сама я сведчу… Ты дазволь прысесці,
Бо галаву абводзіць…
Арына.
А Маргарыту мучыць кіньце, бо нічога
Не ведала яна.
Ёган.
Мы Маргарыту выпусцім… Вось выпі
Вадзіцы коўшык, ды ідзі дахаты:
Сама памрэш, нашто старую мучыць?
Арына.
Вось так Адвернік піў, я назірала.
І з той пары што-б ні піла, ні ела —
У роце горка мне… І зараз горка…
Ёган.
Брат пісар!
Ёган.
Правядзі яе за дзверы. Старую хіліць сон.
Арына.
Так, сон… Спаць не магла спакойна,
Пакуль быу брат… і Маргарыта
Цярпела мукі… Зараз я засну…
Ёган.
Засні… апошні, непатрэбны сведка.
Ёган.
Ну што, ўдава, жыццё лягчэй без мужа?
І саладзей?
Маргарыта.
Калі-б не навялі ноч злую злыя людзі,
Маё жыццё было-б цяпер, як ранак.
Ёган.
Ідзе за ранкам поўдзень, спёка… Пачакай,