Гэта старонка не была вычытаная
Над дарогай ўзьнята курыва
Ад вазоў у мурог разадзетых…
Што вясна рассыпала куфлем,
То вазамі паверне лета.
2
Канец працы, гучыць гудок,
Заціхае шумлівы лес…
Вартаўнічым у сонны садок
Вечар пад плот залез.
Засьлязіла газоўка ў вакно,
На сьцяне палажыла цень,
Конь чакае начлегу даўно,
Абварочвае шаткі пляцень.
Захад зор зажаў пракос,
А сам у вагні сканаў…
Русыя месяца косы
Запляліся у грыве каня.
Разьліліся ў садку малаком,
Срэбнай мглою ляглі на дварэ
І сатканым ды з мар канчуком
Кажаноў выганяюць з-пад стрэх
