Гэта старонка не была вычытаная
Ісці на бой з уладарамі свету?
Патрэбна можа ім адна прычэпка,
Каб кінуць на няшчасны гэты край
Сваёй вайсковай сілы злыя орды,
Каб, скарыстаўшы права пераможцы,
Нібыта для таго, каб пакараць,
Забраць у нас старую волю нашу.
Гертруда.
Мужчыны вы, сякеру ўздыме кожны,
Адважным дапаможа бог заўсёды.
Штаўффахер.
Падумай толькі, жонка, што за жах
Вайна: і пастухоў, і статкі нішчыць.
Гертруда.
Нам трэба знесці ўсё, што шле нам неба,
А крыўд цярпець не можа вольны дух.
А крыўд цярпець не можа вольны дух.
Штаўффахер.
Ты любіш незвычайна дом наш новы —
Вайна яго на трэскі разнясе.
Гертруда.
Якая-б ні была мая прыхільнасць,
Яго спаліла-б я сваёй рукой.
Штаўффахер.
Пра чалавечнасць ўспомні ты. Вайна
Дзіцяці не шкадуе у калысцы.
Гертруда.
Нявіннасць мае прыяцеля ў небе.
Глядзі наперад, Вернер, не назад.
