Гэта старонка не была вычытаная
Шлях рэволюцыі…
Гаротная краіна
і зграя хціўная драпежнікаў ліхіх.
Яшчэ парэзаны
прасторы Украіны
і беларускія шляхі.
Былі гады —
гады агня і славы!..
Што дні наступныя краіне прынясуць?..
Яшчэ ня раз наш сьцяг пурпурава-крывавы
пакліча ворага на суд.
Цяпер вінтоўку ў кут адставіў пролетары:
інакшы бой ідзе —
за плугам,
за станком…
Шлях рэволюцыі!..
То молата удары
для надыходзячых вякоў.
І Менск здратованы,
і Магілеў, і Гомель —
адзіная сям‘я —
савецкі вольны край.
У нас і хаткі, крытыя саломай,
электразорамі гараць.
