Гэта старонка не была вычытаная
ЗЬЯВА XI.
Тыя-ж і Агне́ша.
АНДРЭЙ (падаючы ў рукі сухі кампрэс).
Вазьмі во, ластаўка, зьмяні…
(Агне́ша бярэ і ў мамэнт адходзе).
ЗЬЯВА XII.
Тыя-ж без Агне́шы.
ПАРАСКА.
Што гэта знача? мой Ты, Божа!
Няўжо здалося мне́ такі?
АНДРЭЙ (не здагадаўшыся).
А што?
ПАРАСКА (удражнена).
Ды глянь як ёсьць усюды
Блішчаць нязносна васількі
(Агне́ша прыходзіць і зьмяняе кампрэс).
ЗЬЯВА XIII.
Тыя-ж і Агне́ша.
ПАРАСКА (да Андрэя).
Глядзі!.. (паказавае) і тут…
(зрывае з грудзе́й Агне́шы з злосьцю).
…што гэта значыць?
Адкуль іх ліха нанясло?..
(Агне́ша падняла і выходзячы цалуе кве́тку).
