Старонка:Арлянка (1932).pdf/22

5

У палацах княжыцкіх
Офіцэр гуляе.
У абдымках княжыцца
Панна маладая.

Пад сухімі пальцамі
Плача піяніна,
І акорды вальсамі
Праплываюць міма.

Міма задуменнасьці
Маладога госьця:
Вочы утрапёныя
Клічуць весялосьцю.

Галава туманіцца
I…
заместа панны —
Паўстае настаўніцы
Вобраз зьлюбаваны.

— Дзікая,
далёкая,
Чым цябе прывабіць?

Сьцішанымі крокамі
Уваходзіць вахмістр:

— Па загаду панскаму
Ладзілі засаду
Два жаўнеры наскія
Каля тыну саду.