Rankam dudačka pračniecca,
Jak pierenačuje,
Kinie płakać, zaśmiajecca,
Chto jaje pračuje.
Zaraz chucieńka zajhraje,
Dumkaj zaharycca,
Bo nieščasnu dolu maje
Śmierci nie baicca!…
Dumka ŭsiudy jdzie sa mnoju,
Z biednatoj zžyłasia.
Chto-ž z ludziej zhadaje toje,
Skul jana ŭziałasia?…
Chiba kryŭda — rodna maci,
Žal prychilny baćka?
Chiba ščaście — tolki łapci,
A płač — rodny dziadźka?…
Mnie jana paciecha taja,
Što nie umiraje,
Tak jak zorka załataja
Ŭ nočeńku mihaje!
Ciažka ŭ świeci joj žywiecca
Horkaju nawyčkaj
Biełaruskaju zawiecca
Dudačkaj mužyckaj!
|