Старонка:Čyžyk Biełaruski (1912).pdf/43

∗
∗          ∗

(Paświačaju Jakubu Kołasu).

Nia bačyŭ ciabie ja nikoli.
Jak „pieśni“ twaje pračytaŭ —
Zdajecca, što ŭ horkaj niadoli
Dušoj ty mnie bratniaju staŭ!

To samaje hore zmahaje
U sumnaj i ciažkaj žalbie,
Tak sama žal horki zjedaje
Aboich — mianie i ciabie…

Aboim biez ščaścia, patoli
Wiek sumna, harotna biažyć —
I ŭ chaci, i ŭ lesi, i ŭ poli
Nam žalba na sercy lažyć…

Warsawa.