Сож

З пляцоўкі Вікікрыніцы
Перайсці да навігацыі Перайсці да пошуку
Сож
Верш
Аўтар: Леанід Гаўрылаў
1935
Крыніца: http://knihi.com/Leanid_Haurylau/Soz.html

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Ціхі Сож. Валавяныя воды.
Бурштынее зара ў берагах.
Дзесь глухія гудкі параходаў
Аблятаюць разліўны размах.

Як у люстры, густою сцяною
Кучаравіцца лес у вадзе,
Абярнуўшыся ўніз галавою,
К водам пільнае вуха кладзе.

1935 г.