Сказала партыя народу праўду

Сказала партыя народу праўду Верш Аўтар: Язэп Пушча 1962 Крыніца: https://knihi.com/Jazep_Pusca/Viersy.html#chapter272

Прапануем да спампаваньня!

Ён заслужыў народную пагарду.

Сказала партыя народу праўду,

Якім суровым, жорсткім быў тыранам,

Як боль і кроў штодзень сачылі раны,

Як смерць і кат ўрываліся ў цямніцы

Людскою кроўю ўмыцца і напіцца.

Устань, бязлітасны тыран, з магілы

І раскажы пра ўсё вачыма злымі,

Якія учыняў ты катаванні

У час вячэрні, і начны, і ранні,

Як літасці нявінныя прасілі.

Як адбіраў ты і жыццё, і сілы.

Ты катам раздаваў узнагароды,

Устань і праўду раскажы народу.

Пачуеш і пракляцці, і праклёны,—

Іх шлюць табе замучаных мільёны.

Мы помнікі твае зруйнуем, зрушым,—

Хай кованы абцас зямлі не душыць.

Нас партыя вядзе, за ёй мы крочым

І з Ленінскіх шляхоў-дарог не збочым.

25 лістапада 1962 г., Мінск.