Скажы, братухна, калі параньне…

З пляцоўкі Вікікрыніцы
Перайсьці да навігацыі Перайсьці да пошуку
Скажы, братухна, калі параньне…
Верш
Аўтар: Алесь Гарун
Крыніца: http://rv-blr.com/pages/book_contents.jsp?idLit=4913#72213


 * * *

Скажы, братухна, калі параньне?
Калі сьвітаці пачнець у нас?
Прамчыцца ночка, і сонца ўстане,
І дасьць вясельле, і дасьць пакрас?

         Скажы, братухна, калі прачнуся
         Ад тэй навалы, ад тэй жуды
         І зь ветрам буйным гуляць пушчуся
         На сьвет, на людзі ці хоць куды?

А можа, браце, і сонца ўстала?
І льець праменьні на лес, стэпы?
Ды так глыбока душа запала,
Што я нявістны, што я сьляпы?