Санет (Арвер/Багдановіч)

Санет Верш Аўтар: Алексіс-Фелікс Арвер Пераклад: Максім Багдановіч Крыніца: Багдановіч М. Поўны збор твораў у 3 тамах. Т. 1. — Мн.: Навука і тэхніка, 1991. Ст. 382

Я тайну ў глыбіні душы хаваю,
Ў жыцці мінутным — вечную любоў.
Няма у ёй надзей, няма і слоў.
Аб ёй не чула тая, што кахаю;
Уваг яе к сабе я не звяртаю;
Я ўсцяж адзін, хаця б і з ёй ішоў;
І я нічога да канца гадоў,
Не смеючы прасіць, не атрымаю.
І хоць ласкавасць Бог надаў да ёй,
Яна прастуе пуціной сваёй
І шэпт маёй любві не пачувае,
Калі ж, душою срогая, спаткне
Ёй поўны верш, — яна шапне:
«Хто ж тая жэншчына?» — і не ўгадае.

(?)