Раніца рыкае (1925)/Маладзіца/Раніцу шчэбет пільнуе

Раніцу шчэбет пільнуе Верш Аўтар: Язэп Пушча 1925 год

Раніца →

Іншыя публікацыі гэтага твора: Раніцу шчэбет пільнуе…

Прапануем да спампаваньня!

∗     ∗
∗

Раніцу шчэбет пільнуе
у лісьці жоўта-зялёным:
Туліцца жвівень пад пуняй.
з ношкай аўсянай саломы.

Сонца бліскучым пласконьнем
іскры ў тумане губляе,
Ветры — пужлівыя коні
рвуцца ў мурожныя далі.

У зарасьлях пудзяцца песьні:
выбрыкаваць хочуць — паверце.
Вёска рыпамі весьніц
цешыць сялянскае сэрца.

Сівер расой ахрысьціў
поплавы ў сіні шырокай.
Песьціцца сонца ў трысьці,
цалуючы ветрась у шчокі.

Раніцу шчэбет пільнуе
у лісьці жоўта-зялёным.
Туліцца жнівень пад пуняй
з ношкай аўсянай саломы.