Прывілей 1568 года

Прывілей 1568 года Прывілей Аўтар: Жыгімонт Аўгуст 1 ліпеня 1568 Крыніца: Monumenta Reformatіonіs Polonіcae et Lіthuanіcae. Zbіór pomnіków Reformacjі Koścіoła polskіego і lіtewskіego. Serja І. Zeszyt І. Zabytkі z wіeku XVІ-go. Staranіem Synodu Jednoty Ewangіelіcko-Reformowanej Lіtewskіej. Wydanіe 2-gіe. Wіlno, 1925. № 5. S. 20—28

Прапануем да спампаваньня!

Во имя Божье станься. Ку вечной памети.

Иж всякие речи великие и важные, звлаща которые ся патребне, славне и пожиточне на вечные часы становят, завжды письмом замыкаются и утвержоны бывают, бо бы иначей в забытье приходили и с часы по долгом веку з ведомости и с паметей людских посполи з людьми сплывали. А прото мы, Жикгимонт Август, Божою милостью король польский, великий князь литовский, руский, пруский, жомойтский, мазовецкий, лифлянтский и иных, прикладом звычаю нашого и корыстечи в том, а догледаючи з пильностью зо всяким стараньем и усилованьем нашим, абы часу щастливого панованья нашого, яко належыт на господара хрестианского, не только уймовалися, чого Боже не дай, вольности верных и цн<отлив>ых подданых наших, князей, панов, шляхты и всих обователей Великого Князтва Литовского, духовных и светских, и всих земль, ку нему належачих, котopyю они з вечных продков своих, яко люди и народ зацный и вольный, з засаженья своего первшого в том панстве мели и ее ровно и однако зо всими панствы хрестианскими, немней з братьею и суседы своими, обовательми Коруны Польское, уживали, также и з наданья продков наших, королей польских и великих князей литовских, за зацными и великоважными послугами, и верою статечною а выливаньем крови своей против кождого неприятеля их милости и того панства, маючи не мало вольностей и прав, з них ся веселили, але теж еще от нас самых прибавлены и приспораны им были яко людем и народу таковому зацному и учтивому зе статечное веры и правдивое сталости, не одно их самых тепер будучих, але и всих продков оных первопомененых, нам, господару и продком нашим, королем и великим князем, однако завжды а николи неотменне показаных, чыненых и полненых и того всего годных. Якож за таковым догледаньем и стараньем а учынностью нашою, гдысмы были на cойме великом вальном, з стародавна звыклом бывати в том панстве нашом Великом Княжстве Литовском, в месте нашом столечном Виленском, в року минулом тысяча пятьсот шестдесят третьем, месеца июня семого дня, с паны радами нашими и зо всими станы, сойму належачими, потребуючи всим станом видети прав, привильев и вольностей своих, наданых им, которые вси права, яко первей обецали есьмо им, так и тепер словом нашим обецуем и прирекаем и теперешним привильем упевняем и утвержаем всим обователем Великого Князства Литовского, иж при друкованю того статуту Великого Князства руским языком, што теж без мешканя мает быти учинено, который статут они ж сами за дозволенем нашим, яко люди вольные, вольне собе справовали, списали и постановили, а мы его в Бельску на сойме вальном привильем нашим и потом на другом таковом же сойме у Вильни особливым другим привильем нашим потвердили, оные вси права, привилья и вольности их вложити, увести и уписати допустили есьмо и допущаем по тому, яко ся то заховало и в Коруне Польской, же вси наданя вольностей, прав и привильев их суть вложоны и уведены в статут их корунный. Также теж Великого Княжства Литовского обователи, князи, панове и шляхта учинити могут и мают за сим привильем и допущенем нашим вложити и увести, вписати вси справы, наданя, привилья, вольности свои в статут Великого Княжства Литовского перед друкованем або при друкованю его, коли хотя<т> их уживати и веселитися з них сами c потомки своими на веки вечными часы. А иж в он час на сойме великом вальном Виленском перво помененом, маючи вси права, вольностей и привилья свои станы Великого Княжства в руках своих и проглядываючи их, нашли и обачили артыкулы в привильях прадеда нашого, короля польского и навышшого великого князя литовского, славное и годное памети Владислава Ягейла и тое ж славы и памяти годной брата его милости великого князя литовского Александра Витовта, которые привилья выданы суть через их милость при становеню уней, або злученю в братерскую и спольною приязнь обователей Коруны Польское з обовательми Великого Княжства Литовского в Городле, штож с тых на он час наданых и узычоных прав и привильев паном, шляхте, бояром Великого Княжства дарованых и поданых до рук их «только повшехное, то есть соборное веры xpecтианское и римскому костелу подданы, и которым клейноты, то есть гербы шляхетские суть наданы, мают ся с тых вольностей веселити и участниками быти и уживати, яко панове и шляхта Коруны Польское свои вольности держат и их уживают». А другий артыкул, иж «на достоенства и преложенства не мают быти обираны, одно естли бы были повшехное веры хрестьянское и поддани римскому костелу, ани теж уряды которые земские вечные, яко суть достоенства кашталянства, не мают быти даваны, одно людем веры хрестианское подданным, и до рад наших не мают быти допущоны ани в них бывати». Якож после того тот привилей, на вольности даный, в привилья деда пашого Казимера, стрыя Александра и отца нашого Жыгимонта Первшого, славное и светое памяти королей польских и великих князей их милости литовских, и потом в наш привилей тыми ж словы вписан. Для чого ж били нам чолом вси станы того то Великого Княжства, а особливе закону греческого, абыхмо то в поровнане слушное приведши, нашим листом и привильем достатечне объяснили. Мы тогды з паны радами нашими обачивши, иж перед тым, нижли тот привилей в Городле выдан, станы и народы шляхетские Великого Княжства Литовского знакомитыми службами речи посполитое того панства и продком нашим заслугуючися, зацне вывышоны и учтены были, яко то и в самом том привилью на початку его меновите описано, каковые станы на съем до Городла приехали, а к тому, иж теж бываючи не только костела римского послушны, але и греческого в лавици рады продков наших и нашое, также и иные вси станы на розных службах наших бываючи, верность и сталость свою ку службам продков наших и нашим охотне, яко верным и добрым подданым належит, завжды со всякою статечностью показывали. А так, уважаючи тые вси зацные заслуги и бачачы, же в том привилью не ку которому униженью и згорженю оных, хто гербов не брал, также и тым, хто веру греческую держачи, против продков нашим и нам, господару, верность свою стале показует, одно иж не вси на том сойме были, а звлаща станы рycкиe в том панстве и земль руских, к нему прислухаючих. Прото тые два члонки и артыкулы, вышей описаные, объясняючи и ровнаючи, на он же час и на том сойме вальном Виленском, с порадою рад наших и с призволеним всих станов, уфалили есьмо и, привильем нашим объяснивши, утвердили, хотечи мети, абы от оных мест не только тые панове, шляхта и бояре або потомкове их всих земль наших того панства нашого Великого Княжства Литовского дарованя привильев и наданя всих вольностей п прав земских уживали и з них ся веселили, которые суть поддани костелу римскому и которых теж продкове клейноты и гербы в Коруне Польской приймовали, але и вси иные стану рыцерского и шляхетского, яко литовского, так и руского народу, одно бы были веры хрестианское, и теж которых продкове клейнотов, або гербов, с Коруны Польское не брали, однако и заровно того всего вечными часы уживали и с тых вольностей веселилися, яко перед тым здавна по вси часы всих вольностей стан рыцерский и шляхетский обоего народу, яко литовского, так руского, уживали и с того ся веселили, так теж на достоенства и преложенства всякие, и до рады нашое, и на врады дворные и земские, абы не только поддани костелу римскому обираны и прекладаны были, але однако и заровно вси рыцерского стану з народу шляхецкого люди веры хрестианское, яко литва, так и русь, каждый водле заслуг и годности своей от нас, господара, на местца зацные и преложенства з ласки нашое браны были, а жаден стану рыцерского и шляхетского з стороны закону своего будучи веры хрестианское чловик, не мает быти од того отдален и отлучон для тых двух члонков, в тых первых привильях описаных. И там же в оном привилью нашом доложоно, гдыж тое наданье вольности прав земских в привилею короля Ягейла и великого князя Витовта спольном описано, постановено и справлено есть в Коруне Польской, тогды на первшом пришлом вальном сойме, который бы од нас зложон был обоим тым панством, у Коруне Польской и Великому Княжству, мели есьмо тое поровнане, была бы потреба еще з большым примноженем вольности, иншим листом нашим взновити за спольным зволенем обоего того панства, Коруны Польское и Великого Княжства Литовского, панов рад и всих станов, ведьже не змнейшаючи вжо ани уймуючи ни в чом оному листу пашому, и овшом при моцы зоставуючи его на вечные часы. Который же привилей наш под печатью и з подписю руки нашое всим станом там же на том сойме выданый, они княжати на Олыце и Несвижу, воеводе виленскому, маршалку земскому и канцлеру Великого Княжства Литовского, старосте берестейскому и ковенскому, державцы борисовскому и шовленскому, небожчику пану Миколаю Яновичу Радивилу, яко особе и чловеку зацного народу и фамилии, в которого дому и схованю продков его милости теж права и вольности всего того панства перед тым леживали и в целости дохованы, и немней яко канцлерови, которому з того вряду своего канцлерского таковые привилья земские в дозреню владзы и справе своей мети належало, до рук и захованя подали. То пак на теперешнем сойме великом вальном сего ж панства нашого Великого Княжства Литовского за листы нашими всим станом сойму належачим на рок и местцо назначоное, здеся до Городна зъехавшися, и нам, господару, для становеня всяких потреб земских, и особливе для постановеня обороны земское, межи иншими речми, жедали нас вси тые предречоные станы, абыхмо некоторые речи и члонки в оном привилью поправивши и водлуг потребы объяснивши, достаточней еще, ниж первей и чого там недоставает казавшы приписать, знову им на то привилей наш дали. На что мы, господар, видечи речь и прозбу их слушную, ради позволили и за радою и призволенем всих рад наших духовных и светских, также и всих станов сойму належачих, дознавши и досветчивши не инакшое веры и цноты, того зацного здавна славного народу, князей панов рад наших, врадников земских и дворных, шляхты, бояр, родичов, обывателей Великого Князства Литовского и всих земль, ку тому панству належачих, всих спольне и каждого зособна, одно также яко продкове их з давного веку и тое ж зацности и годности будучи, стале, верне, цнотливи, статечне и мужне застановляючися и воюючи против каждому неприятелю за реч посполитую, и обливаючи кровью своею границы того панства и кладучи животы и горла свои продком и отцу нашому, королем и великим князем их милости, также и против нас самых панов господарей своих заховали и заслужилися, а иж годни суть выслуханя и учинности тое и кождое прозьбы и потреб своих, тогды напрод тые артыкулы два в первшом привилью нашом поровнаные, так мети хочем и зоставуем, а объясняем явне и значне сим листом и привильем нашим тому первшому виленскому, ничого не уближаючи, однож што там в том привильи описан паном шляхте обоего закону и веры хрестианское, римского закону литве и греческого руси, а князей в оном привильи не назначоно и не постановено, ани о них там взменки не вчинено, которых продкове и они сами все то чинили, што вышей о народе том славном Великого Князства, ач двоего закону хрестианского людей, але одного и однакого народу описано и поменено. Где стан княжский не упослежаючи ни в чом станов панских и шляхетских, але сплодившися впосрод их всих и мешкаючи з ними сполом в том панстве и от так давного веку ровно и однако заховали и заслужилися, так нам, паном своим, яко и речи посполитой, а так князи в том панстве, Великом Княжстве Литовском, и во всих землях его будучи и мешкаючи, и яко перед тым бывало, так и на вси потомные часы вечно, ровно а однако с паны и шляхтою так Коруны Польское, яко они в оном панстве нашом, Коруне Польской, отчызнах своих того уживают, потомуж с паны шляхтою в тутошнем панстве нашом, Великом Княжстве, отчизнах своих, с таковых же прав, свобод и вольностей веселятся и их уживают, до всих и всяких достоенств, воеводств, кашталянств, до лавицы рады нашое, до врадов земских и дворных водлуг заслуг и годности кождого з них приходити от нас и от потомков наших, королей польских и великих князей литовских, припущены и приймованы быти мают. И то все одержати и зо всего того веселитися и уживати будут и мают, з чого ся веселят и якие вольности наданые мают и держат а уживают их, Коруны Польское обыватели, панове и шляхта, такжо и Великого Княжства Литовского, перед зъездом и злученем спольным з Литвою за корола его милости Ягейла и великого князя Витовта, и потом за оным слученем снольным и привильем тых панов их милости в Городле даном, так теж в нашом руском у Вильни на объяснене справеном и выданом станом литовским есть описано и до сего часу было, ничого с того всего особам народом их не уймуючи, не уменшиваючи, ани уближаючи, только заровно и однако всего того они и потомкове их маючи и уживаючи веселитися будут, яко и вси иные станы шляхетского народу Коруны Польское и Великого Княжства Литовского. И так тые привилья вси на то служити и належати им будут, яко предналежачим станом прислухают, и якобы в то и они вложоны и вписаны были, а не иначей за сим привильем нашим. Потомуж, хто бы кольвек с князей, панов, шляхты литовское, будь римское або руское, только хрестианское веры будучи, первей гербов с поляки, за корола Ягейла и великого князя Витовта в Городле не приймовал, з чого ся значит, же не з многих домов и народов люди там были, только певные особы, посыланые з Великого Княжства або возваные от панов своих, королей польских и великих князей литовских, онде приездчали, и то ни с которое иное причины и потребы гербы приймовали, только сприязниваючи и сповиновачиваючися з ними до милости и згоды спольное. А будучи вжо перед тым з давных веков и продков своих старовечных в учтивости и зацности такой, яко учтивым шляхтичом и народа такового людем належит и якими там приехали, а в домех не инакшую братью свою многокрот личбою большою их зоставивши и отъехавши, нижли онде в Городле их было и от которых послани они сами были, яко ся то с помененя в привилью Ягейловом напродку описано посведчает, с ким и якими людьми ся братали и злучали в он час. Прото тым нихто наперед вывышатися ани поносити и зацнейшыми чинити и быти не может, один народ над другий, Коруны и Великого Княжства Литовского. Якож то сим привильем нашим объясняем, становим и утвержаем также вечными часы, иж вси тые, которые в Городле гербы приймуючи, злучали и приязнилися и в привилью короля его милости Ягейла и Витовта, также в привильях продков наших и нашом описаны, так тые, которые в Литве и на Руси дома не ездечи там зоставали и того не чинили, яко и тые, которые в Городле были, однако а заровно князские, панские и шляхецкие рыцерские народы и особы в одной мере почитаны, хованы, поличаны и до рады и до всяких учтивостей, достоенств, воеводств, каштелянств, урядов земских и дворных у Великом Князстве Литовском, каждый подле заслуг и годностей припущоны, от нас и от потомков наших нине и на вси потомные часы приходити будут, ни в чом не уменшаючи ани им уближаючи и уймуючи, леч так и во всем по тому, яко такимиж и тым ровные станы панские и шляхецкие Коруны Польское захованы от нас и от продков наших суть вольностей и свобод своих уживают и до всяких достоенств и урадов там в Польщи з ласки нашое приходил и приходят, што теж в том ново на объяснене привилью нашом, на Виленском сойме выданом, стоит описано, же где бы того была потреба ку ширшому объясненю и большому наданю приспореню до того прав и вольностей, жесмы то вчинити мели на спольном сойме за зволенем всих станов обывателей обойга панства, не уближаючи вжо ни в чом тому, што в оном привилью описано, и на того артыкулу поправеня, прибавеня и приспореня таких речей и утверженя того иншим привильем з вального теперешнего сойму, вси станы Великого Княжства зволившися, не потребуют з певных а слушных причин, которые мы от них ведаючи уфалили, а межи иными немней бачачи теж мы на то, иж до сойму спольного звязку и злученя братерского, то есть унии во всем заховано обоему панству станом Коруны Польское станы Великого Княжства немней на том народе руском, але ровно и однако яко и римского и всякого хрестианского закону и веры людех в Великом Княжстве Литовском и во всих землях ку нему прислухаючих належит, гдыж спольне межи собою и с собою в одном панстве Великом Княжстве Литовском и землях ему прислухаючих, и в границах одных мешкают и одным народом суть. А так иж тот то народ руский до такового спольного злученя, братерства, унии хутливи и готови суть и однак зо всими, то есть поспол з братьею своею литвою того пожедают и тому ся мают и хочут мети, а иж теж на соймех великих вальных здешнего панства Великого Княжства стародавна бывати звыклых и яко завжды перед тым нам, господару, з продков наших, королей польских и великих князей литовских в обеюх тых панствах наших, так в Коруне Польской, яко у Великом Княжстве Литовском, заседши на столицах тых панств з вольного обраня всих обывателей их и на соймех вальных за радою рад наших и зволеня станов кождого панства сойму належачих то все, што ся годит чинити и становити вольно моцно бывало и тепер есть и звыклихмо, а то все што ся кольвек постановит моцно и непорушне в кождом панстве нашом од всих держано. Тогды теж уставуем, уфаляем на сойме теперешнем Городенском великом вальном и сим привильем обваровываем и утвержаем, иж того вжо артыкулу на спольном сойме взновяти, зменки и намовы о нем чинити и ствердити его знову. А повторе мы, господар, не маем и не будем мочи, але заховати хочем и будем повинни, не только мы сами, господар, але и потомкове наши, короли польские и великие князи литовские, вси станы Великого Княжства в тых двух артыкулех в предречоных, в привильи короля Ягейловым и великого князя Витовта, также з привильев продков наших и нашого на то потверженя водлуг того, яко объяснены, выложоны и застановены через нас, а в привильях наших на соймех, первшом Виленском и в сем теперешнем Городенском описано, не отменяючи, не порушаючи того, вечне держати и непорушно ховати обецуем и маем и нияким обычаем никому того нарушати не допустим. К тому особливе сим же привильем нашим упевняем и умоцняем, иж всякие привилья, так земские, яко и посполитые, и особливые старые, от продков наших, и новые, от нас комукольвек письмом и языком руским писаные, и не одно обадва теперешние привилья, виленский и теперешний городенский, але и всякие привилья и листы, на права и вольности и на якую ж кольвек реч от продков наших и нас самих з канцелерей нашое руским письмом выданые и наданые, так перед тым, яко и потом которые будут с канцелерей нашое тым письмом, языком руским выходили писаны, однако и заровно, яко латинским письмом писаны, поличаны, держаны и моцно хованы быти мают, непорушно и на веки вечными часы.

И на то на все дали есьмо всим станом Великого Княжства Литовского и земль, к нему прислухаючих, сесь наш лист и привилей под нашою маестатскою печатью здешнего ж панства и на сойме вальном, и подписавши его рукою нашою.

А при том были вси панове рады наши Великого Княжства Литовского духовные и светские, князи, панове, врадники земские и дворные, послове земские и вси станы, сойму належачие.

Писан у Городне, лета Божего нароженя тисяча пятьсот шестьдесят осьмого, месеца июля первого дня.

Sіgіsmundus Augustus rex sst.

Nіcolaus Radіvіl, palatіnus vіlnensіs, cancelarіus M. D. Lіtvanіe etc. man. proprіa.

Ян Шимкович, маршалок, писар, староста тыкотинский, державца вилькомирский.